Prishtina ka arritur të shënojë fitore në finale të Kupës  ndaj Llapit me rezultat 1-0.

Pjesa e parë u mbyll pa gola, me dy skuadrat patën raste shumë të mira shënimi por nuk arritën të shënonin.

Në minutën e 11-të, Dion Gallapeni harkoi në zonë, mirëpo intervenoi sigurt Marjan Coric.

Axel Gnapi lëshoi dy mundësi të njëpasnjëshme, duke mos arritur që të mposhtë portierin e Llapit.

Hasani i skuadrës nga Podujeva tentoi me një goditje në minutën e 16-të, por edhe ky u bllokua.

Gnapi vazhdoi të jetë njeriu kryesor në sulmin e Prishtinës, por pa efikasitet.

Momenti vendimtar në këtë sfidë ishte minuta e 59-të, kur Arbnor Ramadani i Llapit u ndëshkua me karton të kuq.

Një minutë më vonë, Albin Krasniqi shënoi për 1-0.

Prishtina pati një mundësi të mirë të shënoj për ta dyfishuar epërsinë por nuk ia arriti.

Deri në fund gola tjerë nuk pati dhe Prishtina fitoi Kupën e Kosovës.

Me këtë triumf, Prishtina do të luaj në kualifikimet e Europa League./Arbresh.info